Saqta Rusiye quvetçileri 2025 senesi ilk qış ayınıñ 12-nde "İyegova şaatları" teşkilâtı ile alâqası olğanından sebep eki qadınnı tutqan. Bu aqta ilk qış ayınıñ 17-nde Avropa İyegova Şaatları Birleşmesiniñ saytında haber etildi.
Berilgen malümatqa köre, 50 yaşındaki Yelena İvaşina ve 54 yaşındaki Olga Podlesnayanıñ evlerinde tintüvler keçirildi. Rusiye kontrolindeki Aqmescitniñ Kiyev rayon mahkemesi olarnı ev apsine yolladı. Malüm olğanı kibi, İvaşina "ekstremist teşkilâtınıñ faaliyetini maliye etüvde" qabaatlana.
Apiske alınğan qadınlar tarafından şimdilik iç bir türlü izaat berilmedi. Rusiye quvetçileri vaziyetni daa izaatlamadı.
Avropa İyegova Şaatları Birleşmesiniñ malümatına köre, soñki 7 yıl içinde Qırımda 33 din adamı diniy sebeplerden taqip etildi.
"Krım SOS" aq qoruyıcı teşkilâtınıñ talilcisi Yevğen Yaroşenko qayd ete ki, 2022 senesi dekabr ayına Qırımda siyasiy sebeplerden yapılğan cinaiy taqiplerniñ qurbanları arasında tahminen er sekizinci kişi "İyegova şaatları", umumen 19 kişi.
